काठमाडौँ ,२१ मंसिर।त्रिभुवन विश्वविद्यालयले यही मंसिर २३ गते ४८ औँ दीक्षान्त समारोह आयोजना गर्ने भएको छ।
दीक्षान्त समारोह पुल्चोक क्याम्पस, पुल्चोकको खेलमैदानमा आयोजना गरिने त्रिविले जानकारी दिएको छ। समारोहमा सहभागी हुने विद्यार्थीले आ-आफ्नो गाउन/स्कार्फ/टोपी पहिरी बिहान १० बजेभित्र समारोह स्थलमा प्रवेश गर्नुपर्ने जानकारी दिएको छ।
दीक्षित विद्यार्थीहरुको लागि चाहिने गाउन/स्कार्फ मंसिर १५ गतेदेखि २२ गतेसम्म बिहान १० बजेदेखि दिउँसो ४ बजेसम्म वितरण गरिने त्रिविले स्रोतले जानकारी दिएको छ।
समारोहमा त्रिविका कुलपति तथा प्रधानमन्त्री शेरबहादुर देउवा, सहकुलपति तथा शिक्षा, विज्ञान तथा प्रविधि मन्त्री देवेन्द्र पौडेल लगायतको सहभागिता रहनेछ ।
