काठमाडौँ । मत विभाजनको प्रक्रिया सुरु गर्नुअघि आधा घण्टाका लागि स्थगित भएको कोसी प्रदेश सभाको बैठक अझै सुरु हुन सकेको छैन ।
बैठक स्थगित भएपछि ‘केही तथ्याङ्क लिएर आउँछु’ भन्दै मुख्यमन्त्री हिक्मत कार्की प्रदेश सभा सचिवालयबाट निस्किएपछि बैठक नै अनिश्चित बनेको छ ।
मुख्यमन्त्री कार्कीले प्रदेश सभामा विश्वासको मत लिन प्रस्ताव राखेपछि त्यसमाथिको छलफलमा दलका नेताहरूले बोल्ने क्रम सकिएपछि सभामुख बाबुराम गौतमले आधा घण्टाका लागि बैठक स्थगित गरेका थिए ।
मुख्यमन्त्रीसँगै सरकारका मन्त्रीहरूसमेत सदनबाट बाहिरिएका छन् ।
