राष्ट्रसेवक
  • ०४ साउन २०८१
  • साउदी अरबस्थित डाक्टर सुलेमान अल हबिब हस्पिटलमा नर्सहरूलाई रोजगारीको अवसर, मासिक तलब एक लाख २० हजारदेखि दुई लाख रुपैयाँसम्म


    • राष्ट्रसेवक
    •    
    • April 19, 2023

  • काठमाडौँ, ६ वैशाख । पछिल्लो समय नेपाली नर्सका लागि साउदी अरब रोजगारीको नयाा गन्तव्य बन्दै गएको छ । मनास्लु इन्टरनेश्नल सर्भिसले बुधबार नयाँ बानेश्वरको प्रेस्टिजियो फुड्स– पिज्जा बर्गर, कफीमा एक अर्न्तक्रिया कार्यत्रमको आयोजना गर्दै यस्तो बताएको हो । हालसम्म साउदी अरबका बिभिन्न अस्पतालहरुमा छ सय नर्सहरू कार्यरत छन् ।

    नेपालबाट साउदी जाने नर्सहरूले एक लाख २० हजारदेखि दुई लाख रुपैयाँसम्म कमाउन सफल भएका छन् । नेपाली नर्सलाई साउदी अरबस्थित मल्टि–नेश्नल हस्पिटल ग्रुपको डा.सुलिमान अल हबिब हस्पिटल ग्रुप (एचएमजी) ले यो वर्ष दुई सय नेपाली नर्सको माग गरेको छ । मनास्लु इन्टरनेश्नल सर्भिसले बुधबार आयोजना गरेको कार्यक्रममा साउदी अरब रोजगारी गरेर फर्किएका नर्स र जाने तयारीमा रहेका नर्सहरुलाई संयुक्त रुपमा राखेर पत्रकार भेटघाट कार्यक्रमको आयोजना गरेको थियो ।

    साउदी अरबस्थित मल्टि–नेश्नल हस्पिटल व्यवस्थापनले बढ्दो संख्यामा सेवा प्रदान गर्न थप नर्सको आवश्यकता बढेपछि यो निर्णय गरेको हो । अस्पतालले आˆना बिरामीहरूलाई उच्च गुणस्तरीय स्वास्थ्य सेवा प्रदान गर्न प्रतिबद्ध रहेकाले नेपाली नर्सको माग बढ्दै गएको छ । सन् २०१९ बाट नेपाली नर्सहरू साउदीका बिभिन्न अस्पतालमा कार्यरत रहेका छन् । साउदीका अस्पतालमा हाल एक हजार ९ सयभन्दा बढी शैया, १३ हजार कर्मचारी र दुई हजार ७ सय ५० कन्सल्टेन्ट चिकित्सकहरुले बिरामीको सेवा प्रदान गरिरहेका छन् । उक्त अस्पतालले बिगत एक वर्षदेखि ४० नेपाली नर्सहरूलाई रोजगारी प्रदान गर्दै आईरहेको छ ।

    डा.सुलिमान अल हबिब अस्पतालले थप नेपाली नर्सहरूको माग गरेको छ । अस्पताल व्यवस्थापनले उत्कृष्ट प्रतिभालाई आकर्षित गर्न शत प्रतिशत निःशुल्क भर्ती गर्ने निर्णय गरेको छ । साउदी अरेबियाको सरकारको मापदण्ड अनुसार साउदी अरेबियामा नर्सको रूपमा काम गर्न योग्य हुन नर्सहरूसाग एक वर्षको क्लिनिकल अनुभव हुनुपर्छ । यद्यपि, अस्पतालले अब एनएनसी लाइसेन्स भएका नर्सिङका नयाा स्नातकहरूलाई अवसर प्रदान गरिरहेको छ ।

    साउदी अरबस्थित डाक्टर सुलेमान अल हबिब हस्पिटलमा नर्सहरूलाई रोजगारीको अवसर खुलेको छ । नेपालमा भर्खर पढाई सकेर नेपाल नर्सिङ काउन्सिलमा रजिस्ट्रेसन भएका नर्सलाई साउदीस्थित डाक्टर सुलेमान अल हबिब हस्पिटलमा रोजगारीको अवसर खुलेको हो ।

    आउने मे २० मा डा. सुलेमान अल हबिब मेडिकल ग्रुपका भाईस प्रिसिडेन्ट प्रोफेसर डाक्टर सुलेमान ए.अल–माजिद नेपाल भ्रमण गर्ने तयारीमा छन् । उनले नेपाल सरकार, नेपालका हस्फिटल तथा कलेजमा अन्तरक्रिया गर्ने कार्यत्रम रहेको मनास्लु इन्टरनेश्नल सर्भिसका प्रमुख बालकृष्ण श्रेष्ठले बताए । ‘डाक्टर सुलेमान नेपालप्रति एकदमै सकारात्मक व्यक्ति हुन् ।’ श्रेष्ठले भने, ‘नेपालबाट गएका नर्सहरुको कामबाट हामी प्रभावित छौं । अन्य देशबाट आउने नर्सको दाँजोमा नेपाली नर्स काममा एकदमै मिहिनेती, कामप्रति समर्पित पायौं ।’

  • ताजा समाचार