राष्ट्रसेवक
  • १७ फागुन २०८०
  • आमाको शव ६ वर्षदेखि फ्रिजमा राखेर पेन्सन लिइरहेका छोरा पक्राउ


    • राष्ट्रसेवक
    •    
    • June 23, 2023

  • एक व्यक्तिले पेन्सन पाउनको लागि  ६ वर्षदेखि आमाको शव फ्रिजमा राखेर बस्दै आएका थिए । उनले आफ्नी दिवंगत आमाको अवकाश कोषबाट पैसा लिइरहेका थिए। आरोपित छोराको उमेर ६० वर्ष छ । उनको नाम भने खुलाइएको छैन ।

    डेली मिररको रिपोर्टका अनुसार अभियुक्तकी मृतक आमाको नाम हेल्गा मारिया हेङ्गबर्थ थियो । यो घटना इटालीको हो । उनले आफ्ना छिमेकीहरूलाई हेल्गा आफ्नो देश जर्मनी फर्किएको बताए। विगत छ वर्षदेखि शवसँगै बस्दै आएका उनले अहिलेसम्म १ लाख ५६ हजार पाउण्ड प्राप्त गरिसकेका छन् । यो घोटाला यस महिनाको सुरुमा अग्नी नियन्त्रक र पुलिसले पत्ता लगाएका थिए। गत मे २५ मा आकस्मिक सेवाका लागि भवनमा प्रवेश गर्नुपरेको थियो ।

    हेल्गाको शव ब्यागमा भरेर खाटको माथि राखिएको थियो। त्यतिबेला हेल्गाका छोरा घरमा थिएनन् । हेल्गाले कोरोना भाइरसको समयमा पनि आफ्नो स्वास्थ्य बीमा कार्डको लागि दाबी गरिनन् । त्यसपछि प्रहरीले उनलाई सम्पर्क गर्ने प्रयास गरेको थियो ।

    प्रहरीको शंका बढेपछि घरमा खानतलासी गरियो । जहाँ शव फेला परेको थियो । यसपछि हेल्गाको शव पोस्टमार्टमका लागि पठाइएको थियो, ताकि उनको मृत्यु कसरी र कहिले भयो भन्ने थाहा पाउन सकियोस् ।

    यस विषयमा प्रहरीले अझै अनुसन्धान गरिरहेको छ । अभियुक्तले आफ्नी मृत आमाको पेन्सन कसरी लिइरहेका छन् भन्ने कुरा पत्ता लगाउने प्रयास गरिरहेका छन् । अनुसन्धानमा आरोपित छोराले वर्षेनी ३० हजार युरो लिने गरेको प्रहरीलाई थाहा भयो ।

  • ताजा समाचार