काठमाडौँ । जिल्ला अदालत सप्तरीले डाक्नेश्वरी नगरपालिकाकी उपमेयर मिराकुमारी यादवलाई तीन दिन थुनामा राखी अनुसन्धान गर्न अनुमति दिएको छ ।
यादवलाई तीन दिन थुनामा राखी अनुसन्धान गर्न बिहीबार प्रहरीलाई म्याद दिएको हो । नागरिकतासम्बन्धी कसुरमा प्रहरीले पक्राउ पुर्जी जारी गरेपछि उनी बुधबार दिउँसो जिल्ला प्रहरी कार्यालयमा उपस्थित भएकी थिइन् ।
त्यसको भोलिपल्ट प्रहरीले म्याद थपका लागि उनलाई अदालत पेश गरेको थियो । उनका पति महेन्द्रकुमार यादव भने फरार भएका छन् । नागरिकतासम्बन्धी कसुरमा मङ्गलवार दुवैजनाविरुद्ध पक्राउ पुर्जी जारी भएको थियो ।
